Mahaiko estutxea

Kaixo Lagunak!

Gure mahaia ordenatuta mantentzeko mahaiko estutxe bat prestatuko dugu. Margoak, arkatza, borragoma, zorrozkiloa, klipak, txintxetak... gordetzeko aproposa den estutxe bat da. Nahi besteko konpartimentu sortu ditzakegu. Horrez gain, etxean sortzen diren "zaborra" berrerabiliko dugu.

ADI! Momentu batean kuterra erabili beharko dugu, beraz heldu bati laguntza eskatu.

Prest? Has gaitezen!

Materialak

• Kartoizko ontzi bat (Pringles)
• 2 lata txiki (hegaluzearena) edo gehiago
• Poliespanezko bandeja 1
• Dekoratzeko elementuak (koloretako orriak,
   hariak)
• Kuterra
• Artaziak
• Erregela
• Kola

PROZEDURA

1- Kartoizko ontzia handiegia denez erditik moztuko dugu. Horretarako erregelarekin neurtu (23 cm guztira) eta erdian (11,5 cm) markatxoak egingo ditugu.

2- Moztu.

3- Dekoratu egingo dugu. Horretarako paperezko koloretako orriak itsatsi ditut. Nahi izatekotan marrazkiak egin orrietan eta itsatsi.

 

4- Lehortzen utziko ditugu. Latekin hasiko gara orain. Kontuz, zuen latek moztu egiten badute ertzetan silikona edo plastilina jarri. Honen bitartez ez gara moztuko gauzak hartzera goazenean. Nireek ez dutenez mozten ez diet jarri. Dekoratzen hasiko gara. Nik hariak itsatsi ditut.

 





5- Lehortzen utziko ditugu. Berriro ere lehortzen utzi ditugun bi kutxatxoak bandejan itsatsiko ditugu.

6- Azkenik lehortuta dagoenean latak itsatsiko ditugu, nahi ditugun tokian. Nik bi ontzien erdian jarri dut, baina hori bakoitzak erabaki dezala. Silikonarekin itsatsi dut arinago amaitzen delako, baina zuek ez badaukazue kolarekin itsatsi eta 10 segunduz  mantendu indar apur bat eginez.

Badaukagu eginda.

Mugikor euskarria 2

Kaixo Lagunak!

Gaur mugikorra eusteko eta behar ditugun boligrafo eta arkatzak gordetzeko ontzia sortuko dugu. 

Eskulan honetan kuterra erabili behar dugunez laguntza eskatu heldu bati eta kotuz ibili!

Has gaitezen!















MATERIALAK

• Tetrabrik kutxa (esnea, salda...)
• Lata edo jogurt potea (kontuz ez dezala moztu)
• Kuterra
• Artaziak
• Erregela
• Kola
• Soka (Dekoratzeko elementuak)

PROZEDURA

1- Tetrabrika ondo garbitu. Kutxaren ertz batean gure mugikorra jarri eta zabalera markatuko dugu.

2- Behin markatuta daukagunean 1,5 cm-ra marka egingo dugu. Zati hori ez dugu moztuko.

3- Gero guri begira dagoen kutxaren aldean 3 cm markatuko dugu, hori moztu egingo dugu.

4- Orain dena markatuta daukagula moztu egingo dugu, kuterraren laguntzaz zuloa egin eta gero artaziz moztu dezakezue. Gogoratu laguntza eskatzea.

5- Hurrengo pausua gure mugikorreko kargadoraren kablea sartzeko zulotxoa egitea izango da. Nire telefonoak erdian duenez bertan egingo diot. 1cm x 1cm karratutxoa irudikatu dut eta moztu.

6- Orain kablea sartzeko zulotxo bat egingo dugu, molestatu ez dezan. Nire kablea nahiko lodia denez 0,4 cm ko zabalera duen marra bat egin dut. Eta beheko partean, bai aurrean bai atzean, 3,5 cm-ko luzera duena egin dut.

7- Prest daukagu atal hori. Orain estutxearen zatia egingo. Horretarako gure ontzia hartu eta markatu egingo dugu, zein tamainako zuloa egin behar dugun jakiteko.

 

8- Behin markatuta moztu egingo dugu. Zulotxoa egin kuterrarekin eta artaziekin jarraitu mozten. Frogatu ea egin dugun zuloan ontzia sartzen den. Ez bada sartzen zuloa handitu, lasai, ez da ezer gertatzen eta.

9- orain dekoratzea besterik ez zaigu geratzen. Nik katuaren hazkagailu zaharretik hartutako soka erabiliko dut, baina kartulina, koloretako horriak, forroa, zeloa, pegatinak... edozein gauza erabili dezakezue zuek.

Badaukagu prest!

Sorpresa Kutxa

Kaixo Berriro ere!

Gaurko eskulana benetan berezia da. Aukera mordoa ematen duen kutxa bat sortuko dugu. Kutxa hau erronken kutxa bihurtu daiteke, baita sarien kutxa ere. Ikasgai desberdinak lantzeko ere balio du, matematikak, gizarte, kultura, natura...

KONTUZ, ESKULAN HONETAN HELDU BATEN LAGUNTZA BEHARKO DUZU, KUTERRA ERABILI BEHARKO BAITUZU

Hasteko prest? Goazen ba!


MATERIALAK

• Kartoizko kutxatxo bat
• Kartoia
• Kartulina
• Kola
• Artaziak
• Kuterra
• Boligrafoa
• Erregela
• Dekoratzeko elementuak

PROZEDURA

1-  Kartoia hartu eta kutxaren tamainako karratua irudikatuko dugu. Erregelaren laguntzaz 3 milimetro kenduko diogu egin diogun karratuari. Karratua gure kutxa baino txikiagoa izan behar du eta.

2- Moztu kutxan sartzen diren beste moztu, nirean 21 sartzen dira.

3- Moztu eta kartoiaren lodiera neurtuko dugu.

4- Neurri horrekin kutxaren alde batean markatu egingo dugu. Nireak 3 mm neurtzen ditu eta kutxan 3 mm-ko marra irudikatu dut.

5- Kuterraren laguntzaz moztu. GOGORATU, laguntza eskatu eta kontuz atzamarrekin.

6- Behin zuloa egin dugula eta gure kartatxoak errez hartzeko goiko eta beheko aldean zirkuluerdia irudikatu eta moztu.

7- Orri bat hartu eta gure karratutxoen tamainako karratuak egingo ditugu.

8- nahi ditugun ideiak idatziko ditugu, adibidez, erronkak, kirolak, naturako galdera bitxiak, historia edota mezu positiboak.

9- Behin idatzita ditugunean kolaren laguntzaz itsatsiko ditugu.

10- Guztiak eginda ditugunean kutxan sartuko ditugu.

11- Ondo funtzionatzen duela ziurtatuko dugu, karraturen bat ez bada behera joaten handiegia da eta moztu beharko dugu.

12-  Dekoratzea besterik ez zaigu geratzen. Nik kartulina zatitxoak jarri ditut. Berdina egiten baduzue kontuz zirkuluerdiak ez tapatzeko.

13- Idatzi kutxa misteriotsua edo nahi ditugun ikurrak egin eta bada prest gure kutxatxoa

Montessori harezko bandeja

Kaixo,

Gaurkoan Montessoriren materialetan inspiratutako material bat dakarkizuet. Honekin gure haurrek idazten ikasteaz gain izugarri disfrutatuko dute. Oso erlaxantea den eskulan bat da. Etxean edo supermerkatuan aurkitu daitezkeen gauzekin egin daitekeen eskulan bat da.

Has gaitezen beraz:




MATERIALA

• Gatza
• Koloratzaileak (hautazkoa)
• Pote bat
• Koilara bat1
• Bandeja bat

PROZEDURA

1- Pote batetan gatza botako dugu eta koloratzaileekin tintatuko dugu. Originala harearekin egiten da, baina nik harea etxean eskura ez daukadanez, hori kolorearekin pixka bat tintatzea erabaki dut.

2. Bandejan botatzen joango gara, poltsa osoa egin arte. Nik etxean nuen bandeja batean bota dut, baina horrelako bandejarik ez badaukagu, frutarena edo okelarena erabili dezakegu, edota kutxa baten tapa ere.

3. Gatzazko harea gordetzeko taper bat erabili dezakegu.

JOLASTEKO MODUA

Paperetan letrak xehez idatzi eta haurrak kopiatu egingo ditu. Baita hitzak ere, letrak ikasi dituenean.

EA ZENBAT IKASTEN DUTEN! HORREZ GAIN, OSO ERLAJANTEA DA.

ITSULAPIKOA

Kaixo lagunak!

Gaurkoan dirua gordetzeko itsulapiko polit baten ideia dakarkizuet. Nik txerri baten itxura eman diot, baina nahi duzuen animaliarena egin dezakezue. Oso erraza da, baina botilari zuloa egiteko agian laguntza eskatu beharko duzue. Adi!

HAS GAITEZEN!

MATERIALAK

• Plastikozko botila bat
• Kartulina larrosa
• Fieltroa
• Orri zuria
• Kortxo bat
• Artaziak
• Kuterra
• Kola

PROZEDURA

1- Fieltroa hartu, kartulinarekin egin nahi bada aukera ere badago. Gure botilaren tamainako laukizuzen bat moztuko dugu. Nik apur bat txikiagoa egin dut, barruan txanponak ikusi nahi ditudalako.

2- Botilan kolaren laguntzaz itsatsi.

3- Ondoren txanponak sartzeko zuloa irekiko dugu. Pausu honetan laguntza eskatu heldu bati. Euro bateko txanpon bat hartu edo 0,50 centimokoa eta tamaina horretako zuloa egin

 





4- Kartulina larrosa hartu eta sudurra egingo diogu. Horretarako tapoia erabiliko dugu. Tapoia kartulinaren gainean jarri eta arkatzarekin markatu. Moztu ezazu.

5- kolarekin tapoian itsatsi

6- Errotulki beltza hartu eta txerriaren sudurraren bi zulotxoak irudikatuko ditugu.

7- Alde batera utzi eta kortxoa hartu. Pausu hau 4 tapoiekin egin daiteke. Kortxoarekin egin nahi baduzu erditik moztu ezazu. eta beste bi zatiak ere erditik moztu, horrela lau zati berdin izango dituzu. Pausu honetan ere laguntza eskatu.

 

8- Kolarekin botilan itsatsiko ditugu. Zuloa dagoenaren kontrako aldean.

9- Berriro ere kartulina hartu eta belarriak egingo dizkiogu. Horretarako belarriaren forma irudikatu eta azpian karratutxo bat irudikatuko diegu.

10- Moztu eta karratutxoa tolestu egingo dugu.

11- Bi belarritxoak eginda ditugunean itsatsi egingo dugu, horretarako karratutxoa fieltroaren azpian jarriko dugu.

12- Amaitzeko begiak irudikatuko ditugu orri batean eta moztu. Begiak etxean badituzue itsatsi eta badago.

13- Nik ez diot buztanik jarri, baina aukera badaukazue egin.

EA ZENBAT DIRU AURREZTEN DUZUEN!