Mugikor euskarria 2

Kaixo Lagunak!

Gaur mugikorra eusteko eta behar ditugun boligrafo eta arkatzak gordetzeko ontzia sortuko dugu. 

Eskulan honetan kuterra erabili behar dugunez laguntza eskatu heldu bati eta kotuz ibili!

Has gaitezen!















MATERIALAK

• Tetrabrik kutxa (esnea, salda...)
• Lata edo jogurt potea (kontuz ez dezala moztu)
• Kuterra
• Artaziak
• Erregela
• Kola
• Soka (Dekoratzeko elementuak)

PROZEDURA

1- Tetrabrika ondo garbitu. Kutxaren ertz batean gure mugikorra jarri eta zabalera markatuko dugu.

2- Behin markatuta daukagunean 1,5 cm-ra marka egingo dugu. Zati hori ez dugu moztuko.

3- Gero guri begira dagoen kutxaren aldean 3 cm markatuko dugu, hori moztu egingo dugu.

4- Orain dena markatuta daukagula moztu egingo dugu, kuterraren laguntzaz zuloa egin eta gero artaziz moztu dezakezue. Gogoratu laguntza eskatzea.

5- Hurrengo pausua gure mugikorreko kargadoraren kablea sartzeko zulotxoa egitea izango da. Nire telefonoak erdian duenez bertan egingo diot. 1cm x 1cm karratutxoa irudikatu dut eta moztu.

6- Orain kablea sartzeko zulotxo bat egingo dugu, molestatu ez dezan. Nire kablea nahiko lodia denez 0,4 cm ko zabalera duen marra bat egin dut. Eta beheko partean, bai aurrean bai atzean, 3,5 cm-ko luzera duena egin dut.

7- Prest daukagu atal hori. Orain estutxearen zatia egingo. Horretarako gure ontzia hartu eta markatu egingo dugu, zein tamainako zuloa egin behar dugun jakiteko.

 

8- Behin markatuta moztu egingo dugu. Zulotxoa egin kuterrarekin eta artaziekin jarraitu mozten. Frogatu ea egin dugun zuloan ontzia sartzen den. Ez bada sartzen zuloa handitu, lasai, ez da ezer gertatzen eta.

9- orain dekoratzea besterik ez zaigu geratzen. Nik katuaren hazkagailu zaharretik hartutako soka erabiliko dut, baina kartulina, koloretako horriak, forroa, zeloa, pegatinak... edozein gauza erabili dezakezue zuek.

Badaukagu prest!

Mugikor euskarria

Egun on!

Gaurko eskulana mugikorrak eusteko euskarria egingo dugu. Horrez aparte, bozgoragailu bihurtu daitekeena. Oso erraza da eta etxean ditugun gauzekin egin daiteke. Animatu!

MATERIALA

1. Komuneko edo sukaldeko paperaren tutu bat
2. Dekoratzeko margoak, zintak, papera, fieltro...
3.  4 txintxeta
4. kola
5. Artaziak/kuterra

PROZEDURA

1. Lehenengo eta behin tutua hartuko dugu eta gure mugikorraren tamainako zulo bat egingo dugu. Horretarako mugikorra tutuan jarri eta errotulki batekin markatuko dugu tutua.

2. Markatutako borobila moztu egingo dugu. Pauso honetarako agian laguntza eskatu heldu bati. Kuterrarekin edo artaziekin moztu.

3. Ondoren, nahi duzun bezala dekoratu, nik koladun fieltroa erabili dut. Kolore desberdinetako zeloa erabili dezakezu. Ziur nago zuk askoz politagoa egingo duzula!

4. Amaitzeko zuloaren kontrako aldean, hau da, beheko aldean 4 txintxeta jarriko ditugu, hankatxoak balira bezala. Bi alde batean eta beste biak kontrako aldean.

5. Bozgoragailu bihurtu nahi baduzu tutuaren bi ertzak tapatu itzazu paperarekin edota kartulina zati batekin. Baietz, altuago entzuten da!!

EA ZEIN ELEGANTEAK ATERATZEN ZAIZKIZUEN ZUOI, Izugarri gustatuko litzaidake zuenak ikustea!