Plastikozko eskumuturrekoa

INFORMAZIO OSAGARRIA:

Zailtasun maila: Oso sinplea da, baina arrisku asko dituenez heldu baten beharra dago.
Materiala birziklatzen da.

MATERIALA:

• Plastikozko botila bat
• Artaziak eta kuterra
• Atzazkalak margotzeko margoak
• Plantxa

PROZEDURA:

1. KONTUZ! Pausu hau heldu batek egin beharko du. Botila hartu eta 4 cm inguruko zati bat moztu. Berdin da ez bazaigu mozketa guztiz artez gelditu.
   ADI! Ez bota beste botila zatiak, horrekin beste eskulanak egin daitezke. Amaieran jarri dizkizuet.
2. Artez gelditu ez bazaigu, artazien laguntzarekin arteztu.
3. KONTUZ! Pausu hau heldu batek egin beharko du. Ertzek gure besoa ez mozteko borobildu egingo ditugu. Horretarako plantxa entxufatu eta ertzak pasatuko ditugu. Kontuz, denbora asko izanez gero plastikoa asko urtuko zaigu. 
   
4. Behin borobilduta ditugunean apaindu egingo dugu. Hemen dator zatirik dibertigarriena! Atzazkalak margotzeko margoak hartu eta gure gustura margotuko dugu. Zergatik erabiliko ditugu margo hauek? Tenpera erabiliz gero, plastikoa denez ez da ondo atxikituta geratuko eta gure lanak ez du ezertarako balioko.
   
   

                                             

EA ZEINEN EDERRAK EGITEN DITUZUEN ZUEK!!!

       

KORAPILO ZAPALEKO ESKUMUTURREKOAK

INFORMAZIO OSAGARRIA:

Zailtasun maila: Ertaina

MATERIALA:

- Hari ezkoztatua (encerado)

- Artaziak

- Neurtzeko metroa

- beira-aleak

- pisudun objektua

PROZEDURA:

• Ezkotatutako haria hartuko dugu eta bi zati egingo ditugu. Lehenengo zatiak 60 cm inguru izango ditu eta bigarrenak 180 inguru.
• Zati handia hartu eta erditik tolestuko dugu. Tolestutako tokitik eutsi eta zati txikia jarriko dugu ondoan.
  
  
• Bi zatiak elkarrekin lotzeko korapilo bat egingo dugu 3 cm-ra (gutxi gora-behera).
  
  
• Hori egindakoan horrela ordenatuko ditugu hariak: HANDIA- TXIKIA- HANDIA

• Orain korapiloak egiten hasiko gara. Muturra objektu pisutsuaren azpian jarriko dugu. Eskumako haria hartu eta erdikoaren gainetik pasatuko duugu 4 formako korapiloa egiteko. Gero ezkerrekoa hartu eta eskumakoaren gainetik jarri. Ezkerrekoaren muturra hartu eta erdikoaren azpitik pasatu eta atera zaigun zulotik atera. Eta bi muturretatik tiratuko dugu (erdikoa ez) korapiloa egin ahal izateko.

• Orain ezkerrekoa hartu eta erdikoaren gainean jarriko dugu P itxurako korapiloa egiteko. Eskumakoa ezkerrekoaren gainean jarri eta muturra erdikoaren azpitik eta sortu den zulotik pasatuko dugu. Bi muturretik (erdikoa ez) tiratu korapiloa egin ahal izateko.

• Orain aurreko bi puntuak behin eta berriro errepikatu.

• Nahi izanez gero beira-aleak edo egurrezko-aleak sartu ditzakegu. Horretarako korapilo nahiko egin eta gero erdiko haria hartu eta bertatik beira-alea satuko dugu. Eta goraino eramango dugu. 
  
  
  
  
  
  
  
• Hori egindakoan, aurretik egin ditugun korapilo berdinak egin behar dira. Eskumako haria erdikoaren gainean jarri, ezkerrekoa eskumakoaren gainean eta muturra erdikoaren azpitik eta zulotik atera. Muturretatik (erdikoa ez) tiratu eta korapilo bat egin.

• Amaitutakoan korapiloa egin eta listo badago gure eskumuturrekoa eginda!

• Mota ezberdinetakoak egin daitezke, adibidez arratoi buztana deituriko hariekin egindakoa:

Makrame Eskumuturrekoa (Sinplea)

INFORMAZIO OSAGARRIA:

Zailtasun maila: Erraza (Lehen Hezkuntzarako)
Oso merkea da.

MATERIALAK

objektu pisutsua falta da

- Kolore ezberdinetako hariak
- Artaziak
- Neurtzeko metroa
- Pisudun objektua









PROZEDURA

• Hariak hartu eta kolore bakoitzeko 90 cm-ko zatiak ebaki.
• Ebakita dauzkagunean erditik tolestuko ditugu eta elkarrekin jarri.
  

  

  Tolestuta elkarrekin

• Tolestutako tokitik 3 cm-ra korapilo bat egingo dugu.
  

  

  korapiloa eginda

• Korapiloa objektu pisutsuaren azpian jarri eta nahi duzun bezala ordenatu hariak. Nik kolore berdineko hariak elkarrekin jarri ditut.
  

  

  Hariak ordenatuta

• Ordenatuta dauzkagunean ezkerreko lehenengo haria hartu eta bigarrenarekin 4 itxurako korapiloa egingo dugu bi aldiz. 
  
  

  

  4 itxurako korapiloa lehenengoan

  
  
• Aurreko pausua behin eta berriro egingo dugu hurrengo hariekin.
  

  

  Bigarren harian 4 itxurako korapiloa

  
  
  
  

  

  Lehenengo bueltan horrela geldituko zaigu.
  Erabili dugun haria azkenengo tokian geldituko da

  
  
  
  

  

  Aurrera egin ahala horrela geldituko zaigu

• Luzera nahikoa duela pentsatzen duzunean (12-13 cm gutxi gora-behera) korapilo bat egin
  

  

  Korapiloa eginda

• Amaitu dugu eskumuturrekoa.