Kumihimo eskumuturrekoa (mota 1)

MOTA 1

INFORMAZIO OSAGARRIA

- Zailtasuna: baxua

- Merkea, kumihimo diskoa eduki ezean kartoi zati batekin egin daiteke

Orratza falta da

MATERIALA

- Kolore ezberdinetako hariak (berdin da zein motatako hariak)

- Artaziak

- Erregela edo neurtzeko metroa

- Kumihimo diskoa
- Orratza

PROZEDURA

120cm

•  Kolore bakoitzetik 120cm-ko 2na zati ebakiko ditugu (neurriak eskumuturraren tamainaren araberakoa izango da, baina gutxi gorabehera hori da neurria).
  
• Ebakita ditugunean zati bat hartu (adibidez urdin argia) eta erditik tolestuko dugu. Tolesdura diskoaren  erdian jarrita mutur bat goiko puntuaren eskumako ebakiduran sartuko dugu. Beste muturra beheko puntuaren ezkerreko ebakiduran.
  
  

Tolesdura erdian

Goian eskuman

Behean ezkerrean

•  Kolore berdineko bigarren zatia hartu eta erditik tolestu. Tolesdura erdian jarrita mutur bat goian ezkerraldean ipini eta bestea behean eskumaldean. Horrela geldituko zaigu:

Hariak gurutzatuta

• Bi zatiak diskoan ditugunean bigarren koloreko zatia hartu (urdin iluna) eta erditik tolestuko dugu. Diskoaren erdian jarri. 

  

  Tolesdura erdian

• Mutur bat goiko puntuko eskumako ebakiduratik hasita (eskumarantz) 4. zuloan sartuko dugu. Beste muturra beheko puntuko ezkerrekoebakiduratik hasita (ezkerrerantz) 4. ebakian jarri.

5. ebakiduran

•  Kolore bereko zatia 3. ebakiduran jarriko dugu:

Lau hariak diskoan

• Azken bi zatiekin aurreko pausuak jarraituko ditugu:
• Tolesdura erdian, mutur 1 goiko puntutik ezkerrerantz 4.ebakian jarri eta 2. muturra beheko puntutik eskumarantz 4.  ebakiduran.
• Tolesdura erdian, mutur 1 goiko puntutik ezkerrerantz 5.ebakian jarri eta 2. muturra beheko puntutik eskumarantz 5. ebakian.

Hariak jarrita

• Behin hariak prest beheko ezkerreko haria hartu eta gora ezkerrera eramango dugu:

beheko ezkerrekoa

Gora ezkerrera

•  Goiko eskumakoa hartu eta behera eskumara eramango dugu:



goiko eskumakoa hartu



Behera eskumara eraman






• Diskoa erlojuen orratzen norabidean mugituko dugu. Hurrengo hariak kolore urdin argiena izango da.  Beheko ezkerrekoa hartu eta gora ezkerrera eraman. Goiko eskumakoa behera eraman, eskumara.
  
  

  

  Orratzen norabidean mugitu

  
  
  
  
  JARRAITU BEHARREKO ESKEMA:
• beheko ezkerrekoa ---------- gora ezkerrera
• goiko eskumakoa------------ behera eskumara
• Nahi dugun luzera egindakoan (15-18cm) mugitutako azken harien hurrengoak ebakiduretatik atera eta korapiloa egingo dugu. Hori egindakoan hurrengo hariak hartu eta beste korapilo bat egingo dugu. Azkenik gelditzen zaizkigun hariak hartu eta korapiloa egin.
  
  
  

  

  Hariak ebakiduratik atera

  

  Korapilo normal bat egin

  
  

• Korapiloak egindakoan honela geldituko zaigu:

  

  Diskotik aterata

  
  
• Soberan ditugun harietatik lehenengo korapiloak egin ditugun hariak hartuko ditugu. Soilik bi hari hartu (argazkian ateratzen den bezala).
  

  

  Bi hari aukeratu

• Beste hari guztiak ebakiko ditugu 2 mm gutxi gora behera. Nahi izanez gero kola zuri apur bat bota daiteke hariak aska ez daitezen:

Hariak ebaki

• Hori egindakoan kolore bereko hari bat hartu eta orratzan jarri. 

Orratza prest

• Eskumuturreko atzeko aldetik sartuko dugu orratza. Horrela orratzak daraman haria bertan utziko dugu.

Atzeko zatian sartu

Haria bertan utzi

Emaitza

• Mutur bakoitzeko harietan korapilo bana egingo dugu, gutxi gora-behera 5 cm-tara (baina ez du garrantzi handirik)

Korapiloa egin

korapiloa eginda

• korapiloa egin ostean hariak bata bestearen ondoan jarriko ditugu (paralelo), argazkian agertzen den bezala:

hariak paraleloan

• Horrela dauzkagunean beste koloreko hari bat hartu eta lazo bat egingo dugu:
  
  
  

• Hariaren zatirik luzeena hartu eta goitik pasatuko dugu lazoa eta beste hariak inguratuz:
  
  
  
  
  
  
• Hori egindakoan hariaren muturra lazoaren zulotik pasatuko dugu:

• Urdin argi koloreko hariaren bi muturretik gogor tiratuko dugu:
  
  
  
• Amaitzeko sobratzen zaizkigun hariak ebakiko ditugu: