Gutunen Kutxa

Kaixo, 

Paper solteak, gutunak , etb. gordetzeko kutxatxoa dakarkizuet gaurkoan. Oso erraza da eta benetan polita geratzen da edozein tokitan, hozkailuan, ikasteko mahaian, ohe ondoko mahaitxoan, etxeko sarreran... 

PREST?


MATERIALAK

• Laboreen kutxa bat(zerealak)
• Forratzeko kartulina, orriak, forroa 
• Ispilua (aukeran)
• Soka (aukeran)
• Boligrafoa
• Erregela
• Kola
• Artaziak/kuterra
• Zeloa

PROZEDURA:

1- Laboreen kutxa hartuko dugu eta zeloaren laguntzaz kutxa itxi egingo dugu.

2- Erregela hartu eta laboreen kutxaren aurpegi batean 12 centimetrora marka egingo dugu. Ertz bakoitzean egindako markak marra baten bidez lotuko ditugu. Gero hortik moztu beharko dugu eta.

3- Kutxaren atzeko aldean 15,5 centimetrora marka egingo dugu.

4- Kutxaren eskinetako aurpegietan aurretik eta atzetik egindako markak lotuko ditugu marra baten bidez.

5- Bi eskinak eginda ditugunean moztu egingo dugu. Kontuz, bi kutxa zati aprobetxatu  nahi badugu kuterra erabili beharko dugu, horretarako laguntza eskatu.

6- Dekoratzeko unea heldu da, nik forro beltza erabili dut, baina kartulinarekin ere oso polita geratzen da.

7- Etxetik neukan ispilu bat ere itsatsi diot, baina hau hautazkoa da. Inguruan katuaren hazkagailu zaharretik lortutako soka erabili dut. Oso polita geratuko litzateke 3D koadroan ikasi genituen tximeletak itsasten baditugu.

8- Hozkailuan jarri nahi izatekotan atzekaldean imanak itsatsiko ditugu. Nik propagandazko hainbat nituen etxetik eta horrek aprobetxatu ditut. Ez baduzue hozkailuan jarri nahi pausu hau saltatu.

Honekin bukatu dugu gure eskulana!