Gaileta tarta

 Kaixo,

Gaur urtebetetze tarta eder eta goxoa dakarkizuet, gainera ez dugu laberik erabiliko. Osagai desberdinekin egin daiteke, txokolate zuria, beltza... 

Benetan goxo goxoa dela!

Probatzeko prest? Goazen ikustera zein osagai beharko ditugun:

OSAGAIAK

• Gailetak laukizuzen itxurarekin.
• Gurina
• Azukrea
• Esnea
• Kakao (calacao edo nesquik)
• Txokolate tableta

MATERIALAK:

• Ontzi karratu bat edo bandeja bat
• 3 ontzi txiki
• 3 kolara txiki
• Mikrouhina

PROZEDURA

1- Ontzi txikitxo batean esnea mikrouhinean epeldu eta goizero bezala kakao koilakarada bat botako diogu. Gero eta kakao gehiago bota orduan eta txokolate zapore gehiago izango dute gure gailetek. Primeran irabiatu.

2- Bigarren ontzi txikian gurina eta azukrea nahastuko dugu. Kantitateak berdin du. Gero eta azukre gehiago orduan eta goxoagoa, baina kontuz gero hortzak ondo garbitu!

3- Ontzitxoak prest ditugunean hasiko gara gailetekin. Hartu gaileta bat eta esnea eta kakaoa dugun nahasketan murgildu.

 

4- Ondoren gure ontzi handian edo bandejan jartzen joango gara, bata bestearen ondoan.

5- Laukizuzen handi bat egin arte. Lehenengo kapa egin ostean, gurina eta azukrea dugun nahastea botako dugu gainetik, kapa fina edo lodia zure esku usten dut. Lasai, nahasketa amaitzen bada berriro egin. Nik bi aldiz egin behar izan nuen nahasketa.

6- Kapak txandakatzen joango gara. Nahi besteko altura daukagunean hirugarren ontxitxoa hartu eta txokolate tableta erdia urtu egingo dugu. Horretarako mikrouhinean 10 segunduz sartu eta irabiatu. Berriro ere 10 segunduz sartu eta irabiatu. Horrela guztiz urtuta egon arte. KONTUZ! Denbora luzez sartzen baduzu mikrouhinean erre egingo da eta gustu txarra izango du.

7- Azkeneko kapa izango da. Hozkailuan sartu eta hozten utziko dugu. Gero eta denbora gehiago eduki, hobeto. Horrela gure gailetak bigundu egingo dira eta zapore guztiak nahastuko dira.

ZORIONAK ZURI!

ZORIONAK BETI!

ZORIONAK LAGUNTXO

ZORIONAK BETI!

Lore katea

Kaixo!

Gaur benetan eskulan erraza ekarri dizuet. Niri izugarri gustatzen zait nire agenda eta koadernoak apaintzeko. Nik lorearen itxura eman diot, baina edozein eman diezaiokezu. Imaginazioa martxan jarri!

Prest? Ea ba!

1. Orri baten laurdena erabiliko dugu. Orria erditik tolestu eta berriro ere tolestuz lortuko dugu laurdena. Moztu.

2. Moztu dugun zatia erditik tolestu, irudian ikusten den bezala.

3.  Berriro ere erditik tolestu.

4. Berriro ere tolestu egingo dugu, baina kasu honetan markatu besterik ez dugu egingo eta berriz zabaldu.

5. Goitik behera erditik tolestu eta markatu. Zabaldu. Horrela paperaren erdia markatuta geratuko da.

6. Erdiko puntuaren inguruan borobiltxo bat egingo dugu. 

7.  Borobiltxoaren inguruan petaloak irudikatuko ditugu. Adi. Ertzetakoak ez daitezela guztiz amaierara heldu, bestela loreak solteak aterako dira, mozten dugunean.

8. Moztu.

9. Zabaldu loreak

10. Azkenik lorearen erdian errotulkiarekin borobila margotu eta badaukagu.

Forma ezberdinak eman ahal diozue, orain imaginazioa zuen esku dago!

Mahaiko estutxea

Kaixo Lagunak!

Gure mahaia ordenatuta mantentzeko mahaiko estutxe bat prestatuko dugu. Margoak, arkatza, borragoma, zorrozkiloa, klipak, txintxetak... gordetzeko aproposa den estutxe bat da. Nahi besteko konpartimentu sortu ditzakegu. Horrez gain, etxean sortzen diren "zaborra" berrerabiliko dugu.

ADI! Momentu batean kuterra erabili beharko dugu, beraz heldu bati laguntza eskatu.

Prest? Has gaitezen!

Materialak

• Kartoizko ontzi bat (Pringles)
• 2 lata txiki (hegaluzearena) edo gehiago
• Poliespanezko bandeja 1
• Dekoratzeko elementuak (koloretako orriak,
   hariak)
• Kuterra
• Artaziak
• Erregela
• Kola

PROZEDURA

1- Kartoizko ontzia handiegia denez erditik moztuko dugu. Horretarako erregelarekin neurtu (23 cm guztira) eta erdian (11,5 cm) markatxoak egingo ditugu.

2- Moztu.

3- Dekoratu egingo dugu. Horretarako paperezko koloretako orriak itsatsi ditut. Nahi izatekotan marrazkiak egin orrietan eta itsatsi.

 

4- Lehortzen utziko ditugu. Latekin hasiko gara orain. Kontuz, zuen latek moztu egiten badute ertzetan silikona edo plastilina jarri. Honen bitartez ez gara moztuko gauzak hartzera goazenean. Nireek ez dutenez mozten ez diet jarri. Dekoratzen hasiko gara. Nik hariak itsatsi ditut.

 





5- Lehortzen utziko ditugu. Berriro ere lehortzen utzi ditugun bi kutxatxoak bandejan itsatsiko ditugu.

6- Azkenik lehortuta dagoenean latak itsatsiko ditugu, nahi ditugun tokian. Nik bi ontzien erdian jarri dut, baina hori bakoitzak erabaki dezala. Silikonarekin itsatsi dut arinago amaitzen delako, baina zuek ez badaukazue kolarekin itsatsi eta 10 segunduz  mantendu indar apur bat eginez.

Badaukagu eginda.

Animalia Mezulariak

Kaixo lagunak!

Uretako animaliak lantzen ari garela aprobetxatuz mezulari bihurtu ditugu. Gure familiak eta lagunak zoriontzeko postariak bihurtu ditugu. Ea zer deritzozuen!

 

HAS GAITEZEN, IKUSIKO DUZUE ZEINEN ERREZA DEN!

MATERIALAK

• Koloretako orriak
• Errotulki beltza
• Arkatza
• Artaziak
• Kola
• Serpentina

PROZEDURA:

1- Orri morean borobil bat irudikatuko dugu, plater bat erabili dezakezu edo zerbait borobila.

2- Moztu ezazu.

3- Erditik tolestu.

4- Bigarren orrian itsatsiko dugu, baina borobil erdia besterik ez.

5- Itsatsita daukagunean serpentinak hartu eta zatitxoak eginez itsasten joango gara.

 

6-  Begitxoak irudikatuko dizkiogu, nahi izanez gero.

7- Orri zuri batean tamaina berdineko borobila egin eta mezua idatziko dugu.

8- Marmokaren buruaren barruan itsatsiko dugu.

KARRAMARROA egiteko:

Pausu berdinak egin genituen. 
Serpentinak erabili beharrean, pintzak egiteko 4 borobil txikiagoak erabili genituen gutxi gorabehera 6 cm-ko diametroa duena. Erditik tolestu eta itsatsi orrian.

 

Mugikor euskarria 2

Kaixo Lagunak!

Gaur mugikorra eusteko eta behar ditugun boligrafo eta arkatzak gordetzeko ontzia sortuko dugu. 

Eskulan honetan kuterra erabili behar dugunez laguntza eskatu heldu bati eta kotuz ibili!

Has gaitezen!















MATERIALAK

• Tetrabrik kutxa (esnea, salda...)
• Lata edo jogurt potea (kontuz ez dezala moztu)
• Kuterra
• Artaziak
• Erregela
• Kola
• Soka (Dekoratzeko elementuak)

PROZEDURA

1- Tetrabrika ondo garbitu. Kutxaren ertz batean gure mugikorra jarri eta zabalera markatuko dugu.

2- Behin markatuta daukagunean 1,5 cm-ra marka egingo dugu. Zati hori ez dugu moztuko.

3- Gero guri begira dagoen kutxaren aldean 3 cm markatuko dugu, hori moztu egingo dugu.

4- Orain dena markatuta daukagula moztu egingo dugu, kuterraren laguntzaz zuloa egin eta gero artaziz moztu dezakezue. Gogoratu laguntza eskatzea.

5- Hurrengo pausua gure mugikorreko kargadoraren kablea sartzeko zulotxoa egitea izango da. Nire telefonoak erdian duenez bertan egingo diot. 1cm x 1cm karratutxoa irudikatu dut eta moztu.

6- Orain kablea sartzeko zulotxo bat egingo dugu, molestatu ez dezan. Nire kablea nahiko lodia denez 0,4 cm ko zabalera duen marra bat egin dut. Eta beheko partean, bai aurrean bai atzean, 3,5 cm-ko luzera duena egin dut.

7- Prest daukagu atal hori. Orain estutxearen zatia egingo. Horretarako gure ontzia hartu eta markatu egingo dugu, zein tamainako zuloa egin behar dugun jakiteko.

 

8- Behin markatuta moztu egingo dugu. Zulotxoa egin kuterrarekin eta artaziekin jarraitu mozten. Frogatu ea egin dugun zuloan ontzia sartzen den. Ez bada sartzen zuloa handitu, lasai, ez da ezer gertatzen eta.

9- orain dekoratzea besterik ez zaigu geratzen. Nik katuaren hazkagailu zaharretik hartutako soka erabiliko dut, baina kartulina, koloretako horriak, forroa, zeloa, pegatinak... edozein gauza erabili dezakezue zuek.

Badaukagu prest!