Zapizko estutxea

Kaixo!

Eskolako materiala gordetzeko modu merke eta dibertigarria izan daiteke hona ekarri dizuedan eskulan hau.

Ea zer deritzozuen!

MATERIALAK:

- Garbitzeko bi zapia

- Kordel bat (berdin du zein den)

- Erregela

- Arkatza

- Artaziak

- Grapagailua

PROZEDURA:

1- Lehenengo zapia hartu eta ertz batetik 10 cm-ra tolestuko dugu.

2- Tolestutako aldetik 0.75 cm-ko marrak egingo ditugu arkatzaren laguntzaz. Marren artean 2 cm-ko espazioa utziko dugu.

3- Marrak prest daudenean artaziarekin ebaki itzazu.

4- Bigarren zapia hartu eta 1.5 cm-ko tira luze bat moztuko dugu.

5- Lehenengo zapia hartu eta egin ditugun zuloetatik sartu behar dugu moztu dugun tira luzea. Lehenengoa azpitik gora sartu eta hurrengo zuloan goitik behera. Horrela jarraitu zulo guztietatik pasatu arte.

6- Sartu berri dugun tirako mutur bat grapatu egingo dugu mugi ez dadin. Grapagailuarekin arazoak badituzue, nik izan ditudan bezala, josi ere egin dezakezue.

7- Beste muturrean botoi bat itsatsiko edo josiko dugu. Bere inguruan kordela jarriko dugu eta badaukagu gure estutxe berria.

PINTZEZKO MARKOA

MATERIALA:



- 20 Pintza

- Kartoia

- Tenperak

- Kola zuria

- Arkatza

- Artaziak

- Pintzela





PROZEDURA:

1 - Pintzak hartu eta banatu egingo ditugu, hau da, barruko burdinezko zatia kendu.

2 - Kartoia hartu eta 13 diametroko borobil bat egingo dugu erdian. Bertan nahi dugun argazkia jarriko dugu. Kanpoan 37 cm-ko beste borobil bat egingo dugu.



3 -  Behin egindakoan alde batera utziko dugu eta 40 pintza zatiak (20 pintza normal) nahi dugun bezala margotuko ditugu. Lehortzen utzi.

4- Lehortutakoan borobil txikia kontuan hartuz inguruan pintzak jarriko ditugu. Gustura dauzkagunenan kola zuriarekin itsatsiko ditugu. Lehortzen utziko ditugu.



5- Azkenik, 13 cm-ko borobiletik ebaki egingo dugu.

Karramarroa

MATERIALA:

- Arrautzen kutxa

- "Limpiapipas" edo pipak garbitzekoak 2

- Bi begi

- Tenpera (gorria)

- Pintzela

- Kuter edota artaziak

- Kola zuria

- Erregela

PROZEDURA:

1. Arrautzen kutxako zati bat ebakiko dugu. Arrautza baten konpartimentu bat.

2. Behin ebakitakoan tenperarekin margotuko dugu. Lehortzen utzi.

3. Lehortzen dagoen bitartean Pipak garbitzekoak hartuko ditugu eta artaziaren laguntzaz 8 - 10 cm inguruko zatiak ebakiko ditugu (6 zati).

4. Ebakita dauzkagunean argazkian agertzen den bezala tolestura 3 egingo dizkiogu (Kanpora-barrura-kapora).

5- Margoa lehortuta dagoenean, hankatxoak izango direnak hartu eta kola zuriarekin itsatsiko ditugu. Lehortzen utzi.

6- Azkenik bi begiak itsatsiko ditugu.

ZIZAREA

2. ZIZAREA



INFORMAZIO OSAGARRIA:

Zailtasun maila: erreza, Lehen Hezkuntza
Oso merkea, birziklatu egiten dugu.

MATERIALA:

- Arrautzen kutxa
- Kola zuria
- kartulina beltza
- Artaziak/kuterra
- Begiak
- Tenperak
- Pintzela

 PROZEDURA:

•  Arrautzen kutxa hartu eta ebaki egingo dugu, argazkian bezala.

 

•  Tenperak hartu eta nahi dugun bezala margotuko dugu, nire kasuan hiru kolore ezberdin erabili ditut.
  
  
• Lehortzen uzten dugun bitartean kartulina beltza hartu eta zizarearen hankatxoak izango direnak irudikatuko ditugu, baita ebaki ere.
  
  
  
  
• Antenatxoak ere egingo ditugu kartulina beltzean.
  
  
• Margoa lehortuta dagoenean bi begi hartu eta mutur batean itsatsiko dugu, burua bailitzan.
  
  
  
  
• Azkenik antenatxoak eta ahoa itsatsi, baita hankatxoak ere.

• AMAITUTA!

SUGEA

INFORMAZIO OSAGARRIA:

Zailtasun maila: Erreza, Lehen Hezkuntza
Oso merkea, birziklatu egiten dugu.

MATERIALA:


- Arrautzen kutxa
- Kola zuria
- Kartulina gorria
- Begiak
- Tenperak
- Pintzela
- Artaziak/kuterra



PROZEDURA:

• Arrautzen kutxa hartu eta argazkian bezala ebakiko dugu.
  
  
  
  
  
  
• Behin ebakita dagoenean tenperak hartu eta nahi bezala margotuko dugu, nire kasuan berdez eta puntu horiak gainetik. Lehortzen utziko dugu.
  
  
  
• Begi bi hartu eta mutur batean itsatsiko dugu, aurpegia adieraziz.
  
  
• Kartulina gorria hartu eta sugearen mihina ebakiko dugu.
• 
• Begien azpian itsatsiko dugu.
  
  
• AMAITUTA!